Мизоҷ бо ин Қоидаҳои нашр (минбаъд Қоидаҳо), инчунин Сиёсати контенти истифодабаранда  дар ҲОСИЛ.ТҶ ҳангоми баҳодиҳӣ, нашри шарҳу эродҳо ба баҳодиҳии дигарон, иловаи саволҳо дар бораи молҳою хизматрасониҳо ва посух додан ба саволҳои дигар мизоҷон розӣ аст.

Дар қоидаҳои мазкур бандҳое мавҷуданд, ки дорои гипер-пайвандҳои фаъол ба саҳифаҳои вебсайт мебошанд ва онҳо қисми ҷудонашавандаи қоидаҳои мазкур ҳастанд.

Қоидаҳои мазкур аз лаҳзаи дар вебсайт нашр шуданашон эътибор пайдо мекунанд ва беохир эътибор доранд.

ҲОСИЛ.ТҶ метавонад қоидаҳои мазкурро ҳар вақт ба таври якҷониба бо салоҳдиди худ бидуни огоҳии махсус тағир диҳад. Тағирот аз лаҳзаи дар вебсайт ҷойгир кардани версияи нав дар қисми "Офертаи оммавӣ" эътибор пайдо мекунанд.

Мафҳумҳои асосӣ

Нашри Баҳодиҳӣ ва шарҳу тафсирҳои он

Нашри Шарҳу эродҳо

Нашри Саволу Ҷавобҳо

1. Мафҳумҳои асосӣ

Дар қоидаҳои мазкур мафҳумҳои асосие истифода мешаванд, ки таърифҳои онҳо дар поён оварда шудаанд:

Савол: Саволи Мизоҷон дар бораи молҳо ва химзматрасониҳои кишоварзии дар ҲОСИЛ.ТҶ  пешниҳодшуда, ки бо истифодаи функсияҳои сайт илова карда шудааст.

Шарҳу эрод: Шарҳу эродҳои Мизоҷон ба баҳодиҳӣ, ки бо истифодаи функсияҳои сайт илова карда шудааст.

Ҷавоб: Ҷавоби Мизоҷон ба саволе, ки бо истифодаи функсияҳои сайт илова карда шудааст.

Баҳодиҳӣ ва шарҳу тафсирҳои он: Баҳодиҳии Мизоҷон ва шарҳу тафсирҳои он дар бораи молҳо ва хизматрасониҳои кишоварзии дар ҲОСИЛ.ТҶ  пешниҳодшуда, ки бо истифодаи функсияҳои сайт илова карда шудааст.

Дар Қоидаҳо истилоҳҳои дигаре низ мавҷуданд, ки таърифҳои онҳо дар “Офертаи оммавӣ” дар ҲОСИЛ.ТҶ оварда шудаанд.

2. Нашри Баҳодиҳӣ ва шарҳу тафсирҳои он

2.1. Танҳо Мизоҷон метавонанд ба молҳо ва химзматрасониҳои кишоварзии дар ҲОСИЛ.ТҶ  пешниҳодшуда Баҳо диҳанд ва танҳо нисбати он молҳо ва химзматрасониҳое, ки онҳо дар тӯли 6 моҳи гузашта харидаанд ва ё истифода бурдаанд.

2.2. Баҳодиҳиҳо ва тафсирҳояшон пас аз санҷиши модератор нашр карда мешаванд. Агар имконпазир бошад, модератор имло ва пунктуатсияи муаллифро тағир надода, танҳо хатоҳои чопиро ислоҳ мекунад.

2.3. Ба молҳо ва хизматрасониҳо Баҳо гузошта, Мизоҷ розӣ аст, ки ҲОСИЛ.ТҶ ҳуқуқи нашри Баҳодиҳиҳо ва тафсирҳоро дар дигар манбаъҳо дорад ва инчунин ба дигар истифодабарандагони ҲОСИЛ.ТҶ барои нусхабардории Баҳодиҳиҳо ва тафсирҳо имконият медиҳад

2.4. Талаботҳо ба мазмуни Баҳодиҳиҳо ва тафсирҳо

2.4.1. Мизоҷ бояд диққати худро ба хусусиятҳои молҳо ва хизматҳое равона кунад, ки ба онҳо баҳо медиҳад. Баҳодиҳӣ ва тафсири он ба дигар истифодабарандагон хеле муфид хоҳад буд, агар Мизоҷ сабаби маъқул шудан ё нашудани мол ё хизматро қайд намояд. Андозаи матн набояд аз се ҳазор аломат бо фосилаҳо зиёд бошад, шумораи аксҳои ҷойгиршуда - на зиёдтар аз 10 дона дар формати jpeg ва / ё png.

2.4.2. Мизоҷ кафолат медиҳад, ки ҳуқуқҳои моликият барои истифодаи натиҷаҳои фаъолияти зеҳнӣ ё воситаҳои инфиродии дар Шарҳу тафсирҳо мавҷудбуда (аз ҷумла матн, расмҳо, аксҳо, видео, тамғаҳои молӣ ва ғ.) ба ӯ тааллуқ доранд ё аз ҷониби ӯ бо розигӣ қонунии дорандаи ҳуқуқи муаллиф истифода мешаванд. 

2.5. Модераторон Баҳою тафсирҳоро бо мазмуни зерин рад менамоянд ва нашр намекунанд:

• дорои лексикаи ғайрисензурӣ;
• ки танҳо изҳороти эҳсосотӣ доранд (масалан, "Беҳтарин!", "Гап нест!" ва вариантҳои гуногун дар ин мавзӯъ; ибораҳое ба монанди "Ман чизе беҳтарро нахондаам (надидаам, нашунидаам)" ва ғ. );
• агар сабабҳои ба Мизоҷ маъқул шудан ё нашудани ин мол ё хизмат қайд нашуда бошанд;
• ҳадафи танҳо оғизи муҳокима ё хафа кардани дигар истифодабарандагон дошта бошанд;
• дорои миқдори зиёди хатогиҳои луғавӣ, имлоӣ ва ғ;
• бо ҳарфҳои лотинӣ чоп карда шуда бошанд;
• дорои маводи таблиғотӣ (аз ҷумла рақамҳои телефон, суроғаҳо, истинодҳо ба вебсайтҳои дигар, аксҳо ва видеоҳо дар бораи молҳои дигар);
• дорои дархостҳо барои пайдо кардани ягон маҳсулоти дигар, ки ба ҲОСИЛ.ТҶ алоқаманд нестанд;
• дорои ҳама гуна матнҳои дигар, аксҳо, видеофилмҳои ғайримуқаррарӣ, ки ба маҳсулот ё хизмати муҳокимашудаистода алоқаманд нестанд;
• дорои мавод аз вебсайтҳои дигар ё аз ВАО;
• баҳодиҳии молҳо ва хизматҳои гуногун, ки тибқи як қолиби матнӣ таҳия шудаанд;
• дорои маълумот (аз ҷумла дар бораи истифодаи маҳсулот), ки метавонад ба саломатӣ ва инкишофи шахсони сеюм зарар расонад.

2.6. ҲОСИЛ.ТҶ барои мазмуни  Шарҳу тафсирҳои нашршуда масъул нест, зеро онҳо андешаҳои истифодабарандагонро баён мекунанд ва метавонанд ба афкорҳои ҲОСИЛ.ТҶ мувофиқат накунанд.

2.7. ҲОСИЛ.ТҶ тамоми чораҳоро меандешад, то бидуни иҷозати соҳибони ҳуқуқи муаллифӣ нашри Шарҳу тафсирҳои дорои натиҷаҳои фаъолияти зеҳнӣ ё воситаҳои инфиродикуниро пешгирӣ кунад. Ҳамзамон, дар сурати мавҷуд набудани маълумоти дахлдор аз ҷониби соҳиби ҳуқуқи муаллифӣ, ҲОСИЛ.ТҶ намедонад ва наметавонад бидонад, ки истифодаи натиҷаҳои фаъолияти зеҳнӣ ё воситаҳои инфиродикуноние, ки дар Шарҳу тафсирҳо мавҷуданд, ғайриқонунӣ аст.

2.8. Агар соҳиби ҳуқуқи муаллифиро далели ҷойгиркуниро дар Шарҳу тафсирҳо натиҷаҳои фаъолияти зеҳнӣ ё воситаҳои инфиродикунонии ба ӯ тааллуқдошта бидуни иҷозати дахлдор ошкор карда бошад, ӯ бояд ба суроғаи почтаи электронии info@hosil.tj бо зикри суроғаи вебсаҳифа, вебсайт ва (ё) суроғаи шабакавӣ дар Интернет аризаи хаттӣ фиристад, ки дар он Шарҳу тафсири мазкур ҷойгир карда шуда аст. ҲОСИЛ.ТҶ аризаро бо тартиби муқаррарнамудаи қонунгузории Ҷумҳурии Тоҷикистон баррасӣ менамояд.

2.9. Мӯҳлати тафтиш ва нашри Баҳодиҳӣ ва шарҳу тафсирҳо то 7 рӯзи корӣ мебошад. Дар сурати ошкор кардани Шарҳу тафсире, ки ба ин Қоидаҳо мувофиқат намекунад, мӯҳлати тафтиши Шарҳу тафсирҳои  минбаъдаи Мизоҷ метавонад ба мӯҳлати номуайян дароз карда шавад.

2.10. ҲОСИЛ.ТҶ ҳуқуқ дорад, ки ҳаргуна Шарҳу тафсирҳоро бидуни овардани сабабҳо ва бидуни мувофиқаи пешакӣ бо муаллифи баррасӣ ҳар вақт хориҷ кунад.

2.11. Ба Фурӯшандагон/Хизматрасонҳои кишоварзӣ Баҳодиҳии мусбии мол/хизмати худ ва/ё худ ҳамчун як Фурӯшанда/Хизматрасон ва/ё Баҳодиҳии манфии мол/хизмати шабеҳи Фурӯшандаҳо/ Хизматрасонҳои дигар ва/ё фаъолияти рақибон манъ аст. ҲОСИЛ.ТҶ ҳуқуқи мустақилона муайян кардани чунин ҳолатҳоро нигоҳ медорад, аз ҷумла дар асоси далелҳо ғайримустақим, чунин Шарҳу тафсирҳоро аз нашр хориҷ мекунад ва / ё чунин Мизоҷ илова Шарҳу тафсирҳоро комилан манъ мекунад.

3. Нашри Шарҳу эродҳо

3.1. Нашри Шарҳу эрод, агар дар ин қисмат тартиби дигаре пешбинӣ нашуда бошад, тибқи қоидаҳои нашри Шарҳу тафсирҳо амалӣ карда мешавад (Қисмати 2).

3.2. Танҳо Мизоҷон метавонанд, новобаста аз фармоиш додани мол ё хизмат, Шарҳу эродҳо гузоранд.

3.3. Мазмуни Шарҳу Эродҳо бояд бевосита бо мол ё хизмате алоқаманд бошад, ки Мизоҷ ба он Шарҳу Эродро барои Баҳодиҳӣ  ва шарҳу тафсири он мегузорад.

3.4. Мӯҳлати тафтиш ва нашри Шарҳу эродҳо то 30 рӯзи тақвимӣ мебошад.

3.5. Шарҳу эродҳое, ки ба ин Қоидаҳо мувофиқат намекунанд, аз ҷониби модератор рад шуда, нашр карда намешаванд.

4. Нашри Саволу Ҷавобҳо

4.1. Нашри Саволу Ҷавобҳо, агар дар ин қисмат тартиби дигаре пешбинӣ нашуда бошад, тибқи қоидаҳои нашри Шарҳу тафсирҳо амалӣ карда мешавад (Қисмати 2).

4.2. Танҳо Мизоҷон метавонанд Саволҳо диҳанд ва танҳо Мизоҷон метавонанд ба онҳо дар робита бо молҳо ва хидматҳои харидаашон Ҷавоб диҳанд.

4.3. Мизоҷ бояд диққати худро ба мол ё хизмате, ки саҳифаи онро кушода аст, диққат диҳад, инчунин танҳо дар бораи мол ё хизмат хусусиятҳо ва нозукиҳои истифодабарии он Саволҳо диҳад.

4.4. Аз ҷониби модератор рад карда мешавад ва нашр намешавад:

• Саволҳое, ки ҷавобро талаб намекунанд,
• Саволҳо ва Ҷавобҳое, ки ба мол ё хизмат алоқаманд нест,
• Саволҳо ва Ҷавобҳое, ки ба ин Қоидаҳо мувофиқат намекунанд.