ҲОСИЛ.ТҶ (HOSIL.TJ) - аввалин интернет-мағозаи кишоварзӣ дар Тоҷикистон мебошад, ки барои ширкатҳою хизматрасонҳои кишоварзӣ ва ронандаҳои байниноҳиявӣ имконияти истифодаи технологияҳои рақамии фурӯши маҳсулот ва ҷалби мизоҷонро фароҳам меорад.

Акнун ба деҳқонон барои хариди маводи лозима ба маркази ноҳия, вилоят ва ё ҳатто ба дигар минтақаҳои кишвар сафар кардан зарур нест. Маводҳои фармоишшуда аз ҲОСИЛ.ТҶ то ба хона ва ё то ба хоҷагии деҳқонӣ расонида мешаванд. Хизматрасониҳоро бошад, кишоварзон тавассути занги телефонӣ ба маркази тамос фармоиш карда метавонанд.

Ҳадафи авалиндараҷаи ҲОСИЛ.ТҶ - ин кӯмак расонидан дар ҷамъоварии ҳосили фаровон мебошад. Мо ният дорем, ба ин мақсад тавассути осон кардани дастрасии деҳқонон ба воситаҳои истеҳсолоти кишоварзии босифат ва боэътимод, инчунин бо пешниҳоди иҷораи техникаи кишоварзӣ ва хидматрасониҳои кишоварзӣ ноил гардем. Аз ин рӯ, дар ҲОСИЛ.ТҶ танҳо беҳтарин воситаҳои ҳифзи растаниҳо, тухмиҳои санҷидашуда ва дигар воситаҳои истеҳсолоти самаранок пешниҳод мешаванд.

Тамоюлҳои ҷаҳонӣ нишон медиҳанд, ки технологияҳои рақамӣ ба тамоми ҷанбаҳои ҳаёт торафт бисёртар ворид шуда истодаанд. Тоҷикистон ҳам аз чунин дигаргуниҳо дар канор нест. Махсусан, маҳдудиятҳои давраи пандемияи COVID-19 ҷомеаи Тоҷикистонро ҳам водор сохтанд, ки ба технологияҳои рақамии фурӯш диққати махсус диҳанд. Дар натиҷа рӯз аз рӯз сафи соҳибкорони тиҷорати электрониро истифодабаранда афзуда истодааст.

Дар тиҷорат аввалинҳо бурд мекунанд. Дар ҲОСИЛ.ТҶ аз аввалинҳо шаведу фоидаҳои беҳтаринро соҳиб гардед. 

---

ҲОСИЛ.ТҶ аз тарафи ҶДММ “Нексигол Навовар" дар ҳамкорӣ бо ТҶ “Нексигол Мушовир” бо дастгирии БРСММ дар доираи ташаббуси InnoResponse Challenge II таҳия карда  шудааст.

Нексигол Навовар (https://navovar.com) – ширкати технологӣ буда, бо таҳия ва бакорандозии хизматрасониҳои рақамӣ барои беҳтар кардани самаранокии маҳсулоти кишоварзӣ машғул аст. Аз соли таъсисëбӣ дар соли 2016 Нексигол Навовар қисми ҷудонашавандаи гурӯҳи ширкатҳои «Нексигол» мебошад, ки дар муддати 18 сол дар соҳаи агробизнес фаъолият мебаранд.

---

НЕКСИГОЛ гурӯҳест, ки ба он ширкатҳои зерин дохил мешаванд:

• ҶСК «Нексигол»
• ТҶ «Нексигол Мушовир»
• ҶДММ «Нексигол Навовар»

Аввалин ширкат дар гурӯҳ ҶСК «Нексигол» (http://neksigol.tj) буд, ки соли 2002 таъсис ёфтааст. ҶСК "Нексигол" ба воридот ва фурӯши тухмиҳо ва воситаҳои ҳифзи растаниҳои сертификатсияшуда тавассути шабакаи мағозаҳои кишоварзии "Меъроҷ", инчунин бо содироти пахта ва дигар маҳсулоти кишоварзӣ машғул аст.

Нексигол Мушовир (https://mushovir.org) - ташкилоти ғайритиҷоратӣ мебошад. Аз соли 2009 инҷониб, НМ барои деҳқонон ва корхонаҳои кишоварзӣ доираи васеи хизматрасониҳои машваратӣ, омӯзишӣ ва илмӣ-тадқиқотиро пешниҳод менамояд,  ки аз барномаҳои рушди иқтидор ва таҳияи маводҳои таълимӣ, то омӯзишҳо барои тренерон, омӯзишҳо оид ба ҷорӣ намудани технологияҳои сарфаи нерӯҳои табиӣ ва технологияҳои рақамиро дар бар мегирад.