Бо аз қайд гузаштан ва ҷойгир кардани фармоишҳо дар ҲОСИЛ.ТҶ, Мизоҷ ба шартҳои фурӯши молҳо ва фармоиши хизматрасониҳо дар офертаи оммавии мазкур овардашуда розӣ мешавад.

Офертаи оммавии мазкур муносибатҳои байни Мизоҷ (Шумо), ҶДММ “Нексигол Навовар” (ҲОСИЛ.ТҶ), Фурӯшандагон, Хизматрасонҳо, Хадамоти интиқолӣ ва Ронандаҳоро, ки вобаста ба расмиятдарорӣ ва иҷрои фармоишҳо дар ҲОСИЛ.ТҶ ба миён меоянд, танзим мекунад.

Лутфан, пеш аз ҷойгир кардани фармоиш офертаи оммавии мазкурро бодиққат хонед. Агар Шумо бо ягон муқаррароти офертаи оммавии мазкур розӣ набошед, Шумо метавонед аз фармоиш кардан даст кашед.

Дар офертаи оммавии мазкур бандҳое мавҷуданд, ки дорои гипер-пайвандҳои фаъол ба саҳифаҳои вебсайт мебошанд ва онҳо қисми ҷудонашавандаи офертаи оммавии мазкур ҳастанд.

Шартҳои офертаи оммавии мазкур аз лаҳзаи дар вебсайт нашр шуданашон эътибор пайдо мекунанд ва беохир эътибор доранд.

ҲОСИЛ.ТҶ метавонад шартҳои офертаи оммавии мазкурро ҳар вақт ба таври якҷониба бо салоҳдиди худ бидуни огоҳии махсус тағир диҳад. Тағирот аз лаҳзаи дар вебсайт ҷойгир кардани версияи нав дар қисми "Офертаи оммавӣ" эътибор пайдо мекунанд.

Мафҳумҳои асосӣ

Чӣ гуна фармоиш додан мумкин аст

2.1. Бақайдгирӣ бо рақами телефон

2.2. Бастани шартнома

2.3. Ба расмиятдарории фармоиш

2.4. Бекор кардани фармоиш

Пардохт

3.1. Нархи молу хизматрасонӣ ва усулҳою мӯҳлатҳои пардохт

3.2. Пардохт тавассути кортҳои бонкӣ

3.3. Пардохт тавассути Шаҳодатномаи тӯҳфавии ҲОСИЛ.ТҶ

3.4. Пардохт тавассути Холҳои  ҲОСИЛ.ТҶ

Интиқол

4.1. Усулҳои интиқол

4.2. Маҳдудиятҳои интиқоли мол ва нуқтаҳои гирифтан

4.3. Арзиш ва мӯҳлати интиқол

Баргардонидани молҳо

5.1. Шартҳои умумии баргардонидан

5.2. Баргардонидани молҳои бенуқсон

5.3. Баргардонидани молҳои нуқсондор (сифати номатлуб)

5.4. Вайроншавии шартҳои номгӯю навъҳои фармоишшуда

5.5. Вайроншавии шартҳо аз рӯи миқдори фармоишшуда

5.6. Иҷроиши талаботи Мизоҷ

5.7. Баргардонидани молҳои аксияшуда

5.8. Баргардонидани маблағҳои пулӣ, шаҳодатномаҳо тӯҳфавӣ ва холҳо

Шартҳои дигар

6.1. Моликияти зеҳнӣ

6.2. Кафолатҳо ва масъулият

6.3. Махфият ва ҳифзи маълумоти шахсӣ

6.4. Қоидаҳои баҳодиҳӣ ва нашри эроду саволҳо дар ҲОСИЛ.ТҶ

6.5. Муошират  ва дигар ҳолатҳо

Маълумоти ҳатмӣ

1. Мафҳумҳои асосӣ

Дар офертаи оммавии мазкур мафҳумҳои асосие истифода мешаванд, ки таърифҳои онҳо дар поён оварда шудаанд:

Бақайдгирӣ: Расмиёте, ки имкон медиҳад, ҳақиқӣ будани рақами телефон ва моликияти рақами телефони мушаххасро ба шахси мушаххас муқаррар кунад, ки дар натиҷа ба Мизоҷ ID-рақами мушаххас ва саҳифаи шахсӣ вобаста ба рақами телефони тасдиқшуда дода мешавад.

Фармоиш: Дархости Мизоҷ барои хариди мол ва расонидани он ба суроғаи зикршуда бо усули интихобкардаи Мизоҷ ва ё дархости Мизоҷ барои расонидани хизматрасонии кишоварзӣ.

Иҷрокунанда: Шахсе, ки ӯҳдадор шудааст, ба Мизоҷ хизматҳоро тибқи шартҳои пешбининамудаи Иҷрокунанда дар сурати пешниҳоди рақами фармоиш расонад.

Мизоҷ: Шахси воқеии комилҳуқуқе (шаҳрванд, соҳибкори инфиродӣ ё шахси ҳуқуқӣ), ки тавассути платформа ва  ё маркази тамоси ҲОСИЛ.ТҶ молҳо ва хизматрасониҳои кишоварзиро фармоиш мекунад ва инчунин истеъмолкунанда ба ҳисоб меравад.

Рақами фармоиш: Рамзи уникалии ҳарфӣ-рақамӣ, ки аз ҷониби Иҷрокунанда сохта шудааст ва Иҷрокунанда онро барои ба даст овардани ҳуқуқҳои гирифтани мол ва ё хизматрасонӣ ба Мизоҷ пешниҳод кардааст.

Саҳифаи шахсӣ: Саҳифаи шахсии Мизоҷ дар вебсайти  ҲОСИЛ.ТҶ, ки дорои маълумот дар бораи фармоишҳои Мизоҷ мебошад.

ҲОСИЛ.ТҶ (HOSIL.TJ): Ҷамъияти Дорои Масъулияти Маҳдуди “Нексигол Навовар", ки соҳиби интернет-мағозаи кишоварзии HOSIL.TJ аст ва аз номи Фурӯшандагон ва Хизматрасонҳо дар муносибат бо Мизоҷ амал мекунад. 

Фурӯшанда: Фурӯшандаи молҳое, ки ба истеҳсолоти кишоварзӣ кӯмак мерасонанд, аз қабили тухмиҳо, кӯчатҳо, ниҳолҳо, нуриҳои органикию минералӣ, ангезаҳои рушди растаниҳо, воситаҳои биологию кимёвии ҳифзи растаниҳо ва дигар воситаҳои истеҳсолоти кишоварзӣ мебошад, хоҳиши гирифтани фармоишҳо ба молҳои худ тавассути платформа ва маркази тамоси ҲОСИЛ.ТҶ дорад. Фурӯшанда метавонад, моли истеҳсоли худро ва ё ширкатҳои дигарро дар ҲОСИЛ.ТҶ ба фурӯш барорад. Шарти асосӣ он аст, молҳо босифат ва сертификатҳои дахлдор бошанд. Дар ҲОСИЛ.ТҶ ба молҳои қалбакӣ роҳ дода намешавад.  ҲОСИЛ.ТҶ тафтиши сифати молҳоро ташкил мекунад ва фурӯшандаҳои бо молҳои беҳуҷҷат савдокунандаро манъ мекунад.

Хизматрасон: Хизматрасони кишоварзӣ, ки ба деҳқонон ва дигар истеҳсолкунандагон хизматҳои кишоварзии механиконидашуда, дастӣ ва ё ветеринарӣ мерасонанд ва хоҳиши гирифтани фармоишҳо ба хизматҳои худ тавассути платформа ва маркази тамоси ҲОСИЛ.ТҶ доранд.

Вебсайт: Низоми иттилоотие, ки дар вебсайти HOSIL.TJ ҷойгир аст ва ба Мизоҷон имконияти интихоб ва хариди Мол ва ё фармоиши Хизмати кишоварзиро фароҳам меорад.

Маркази тамоси ҲОСИЛ.ТҶ: Дар ҲОСИЛ.ТҶ имконияти бо занги телефонӣ фармоиш кардан мавҷуд аст. Мизоҷон ба рақами тамоси ин марказ, яъне +992-44-630-35-35 занг зада, фармоишҳои худро карда метавонанд.

2. Чӣ гуна фармоиш додан мумкин аст

2.1. Бақайдгирӣ бо рақами телефон

2.1.1. Барои бақайдгирӣ дар вебсайт ва/ё фармоиш додан, Мизоҷ бояд аз расмиёти тасдиқкунӣ гузарад:

(а) рақами телефони худро ворид карда, тугмаи Фиристодани рамзи тасдиқкунанда-ро пахш кардан лозим аст.

(б) ба майдон рамзи инфиродии ба соҳиби рақами телефон тавассути СМС-паём (ё пуш-огоҳинома ё паёмҳо ба замимаҳои мобилӣ ё ба тариқи дигар) фиристодашударо ворид намудан лозим аст. Рамзи инфиродӣ имзои оддии электронӣ мебошад, ки Мизоҷ бо он тасдиқ мекунад, ки рақами телефони мушаххас ба ӯ тааллуқ дорад ва ӯ бо ин шартҳои офертаи оммавии мазкур розӣ аст.

Агар рамз мувофиқат кунад, пас тасдиқкунӣ бомуваффақият гузашт: рақами телефон ба шахси алоҳидае таъин карда шудааст, ки маълумоташ дар Аккаунт ва / ё Фармоиш ("Маълумоти Шумо" - "Ном ва насаб") мавҷуд аст.

2.1.2. Агар рақами телефони Мизоҷ тағир ёфта бошад, вай метавонад онро дар менюи Аккаунт зерменюи Профайл-ро интихоб намуда, дар ин саҳифаи рақами телефонии худро тағир диҳад. 

2.1.3.  Мизоҷ ӯҳдадор мешавад, ки логин ва парол, рақами телефон ва рамзи инфиродии худро ба шахсони сеюм фош накунад. Агар Мизоҷ дар бораи амнияти ин маълумотҳои худ ё имконияти истифодаи беиҷозати он аз ҷониби шахсони сеюм шубҳа дошта бошад, Мизоҷ вазифадор аст, ки фавран ҲОСИЛ.ТҶ-ро тавассути info@hosil.tj огоҳ кунад.

2.1.4. Бо гузаштани бақайдгирӣ ва тасдиқкунӣ, Мизоҷ розӣ аст, ки паёмҳои хизматрасониро дар бораи вазъи Фармоиш, шартҳои интиқол, молҳо дар Сабади Мизоҷ ва / ё аз ҷониби Мизоҷ ба "Рӯйхати хоҳишҳо" иловашуда, инчунин дархостҳо оиди гузоштани фидбекҳо ва баҳодиҳӣ баробар ё алоҳида ба суроғаи почтаи электронии ҳангоми бақайдгирӣ қайдшуда / тавассути СМС-паёмҳо / пуш-огоҳиномаҳо / замимаҳо / мессенҷерҳо / ба тариқи дигар ба рақами телефоне, ки Мизоҷ ҳангоми бақайдгирӣ ва / ё фармоиш кардан нишон додааст, қабул кунад. Радди Мизоҷ аз гирифтани ин паёмҳо бо сабабҳои техникӣ ғайриимкон аст.  

2.1.5. ҲОСИЛ.ТҶ ҳуқуқ дорад, ба Мизоҷон паёмҳои таблиғотӣ фиристад (дар шакли СМС-паёмҳо / ё пуш-огоҳиномаҳо / ё замимаҳо / ё мессенҷерҳо /ё зангҳои телефонӣ ва / ё ба тариқи дигар ба рақами телефон, суроғаи почтаи электронӣ, ки Мизоҷ нишон додааст), дар сурати гирифтани розигӣ ё ба шарте, ки Мизоҷ гирифтани паёмҳои таблиғотиро рад накардааст. 

2.1.6. Мизоҷ розӣ аст, ки ба Аккаунти ӯ бо сабабҳои бехатарӣ ё вайрон кардани шартҳои офертаи оммавии мазкур аз ҷониби Мизоҷ, ҳама гуна маҳдудиятҳо (аз ҷумла бастан) метавонанд татбиқ карда шаванд. Ғайр аз он, бо қабули шартҳои офертаи оммавии мазкур, Мизоҷ розӣ аст, ки маҳдудиятҳо дар Аккаунти ӯ ҳар вақт бидуни фаҳмонидани сабаб ва огоҳ кардани Мизоҷ татбиқ карда шаванд.

2.2. Бастани шартнома

2.2.1. Офертаи мазкур, инчунин маълумот дар бораи молҳо ва хизматрасониҳое, ки дар вебсайт пешниҳод шудаанд, мувофиқи моддаҳои 529 ва 745 Кодекси граждании Ҷумҳурии Тоҷикистон офертаи оммавӣ мебошанд.

2.2.2. Мизоҷ ба шартҳои фурӯши молҳо ва ё хизматрасониҳои интихобшуда бо роҳи пахши тугмаи Фармоиш кардан дар марҳилаи охирини фармоиш дар вебсайт ва фармоиш тавассути занги телефонӣ ба маркази тамоси ҲОСИЛ.ТҶ розӣ мешавад. Иҷрои ин амалҳо далели тасдиқкунандаи бастани шартнома байни Мизоҷ ва Фурӯшанда мебошад. Дар ҳолати фармоиш кардан бо шарти пешпардохт, шартнома пас аз пардохти мол аз ҷониби Мизоҷ басташуда ҳисобида мешавад.

2.2.3. Қоидаҳои аксияҳо, озмунҳо ва дигар чорабиниҳои ҳавасмандгардонӣ метавонанд тартиби дигари ҷойгиркунии фармоиш ва баргардонидани молро муқаррар кунанд. Иштироки Мизоҷ дар чунин чорабиниҳо маънои розигии Мизоҷро ба ин расмиёт дорад.

2.3. Ба расмиятдарории фармоиш

2.3.1. Мизоҷ мустақилона дар вебсайт ё  тавассути занги телефонӣ ба маркази тамоси ҲОСИЛ.ТҶ фармоиш медиҳад. Тафсилоти бештар дар поён:

Чӣ гуна дар вебсайти ҲОСИЛ.ТҶ фармоиш додан мумкин аст:

(1) Молро ё хизматрасониро интихоб кунед ва ба Сабад илова кунед.

(2) Ба саҳифаи Сабад равед ва Фармоиш кардан-ро пахш кунед.

(3) Агар Шумо ба низом ворид нашуда бошед, бо истифодаи рақами телефон тасдиқкуниро гузаред. Агар Шумо дар ҲОСИЛ.ТҶ номнавис нашуда бошед, бақайдгириро гузаред. Маълумоти худро ворид кунед.  

(4) Усули интиқолро интихоб кунед ва суроғаи таъинотро ворид кунед.

(5) Усули пардохтро интихоб кунед. Агар Шумо Пардохти нақдӣ-ро интихоб карда бошед, тугмаи Фармоиш кардан-ро пахш кунед. Агар Шумо Пардохт бо Корт Миллӣ ё Пардохтҳои байналмиллалӣ -ро интихоб карда бошед, баъди пахши тугмаи Фармоиш кардан маълумоти корти худро дар саҳифаи кушодашуда илова намуда, фармоишро пардохт кунед.

Чӣ гуна  тавассути маркази тамоси ҲОСИЛ.ТҶ фармоиш додан мумкин аст:

(1) Ба маркази тамоси  ҲОСИЛ.ТҶ тавассути рақами телефонии 44-630-35-35 занг занед.

(2) Ба корманди масъули марказ ниёзатонро ба мол ва ё хизматрасонии кишоварзӣ гӯед.

(3) Кормандони мо аз Шумо тамоми шартҳои фармоишро аниқ мекунанд, ба саволҳо оид ба сифати мавод ва хусусиятҳои он ҷавоб медиҳанд, инчунин дар бораи имкониятҳои пардохт ва интиқоли маводҳои фармоишшуда мефаҳмонанд.

(4) Усули интиқолро интихоб кунед ва суроғаи таъинотро аниқ фаҳмонед.

(5) Агар Шумо пардохти нақдиро вақти гирифтани мол ё хизматрасонӣ интихоб карда бошед, баъди интиқоли мол ё расонидани хизмастрасонӣ ба ронанда ва ё хизматрасон пардохт намоед. Агар Шумо дар Аккаунтатон пешпардохт дошта бошед ва ё шаҳодатномаи тӯҳфавиро истифода бурданӣ бошед, ҳангоми интиқоли мол ё расонидани хизмастрасонӣ ба ронанда ва ё хизматрасон Рақами фармоиш-ро гӯед.

2.3.3. Маводи иттилоотӣ дар бораи мол танҳо барои маълумот пешбинӣ шудааст ва наметавонад маълумоти боэътимодро дар бораи хусусиятҳои мол, аз ҷумла рангҳо, андозаҳо ва шаклҳо пурра пешниҳод кунад. Дар сурати пайдо шудани саволҳо дар бораи хусусиятҳои мол, пеш аз фармоиш додан Мизоҷ бояд бо ҲОСИЛ.ТҶ тамос гирад.

2.3.4. Мизоҷ маълумоти зеринро пешниҳод мекунад:

(а) Номи пурра ва рақами телефони Мизоҷ ё гирандаи мол ё истифодабарандаи хизматрасонии фармоишшуда;

(б) Суроғаи расонидани мол ё хизматрасонии фармоишшуда.

2.3.5. Санаи интизории интиқоли моли фармоишшуда ин мӯҳлатест, ки пас аз он Мизоҷ метавонад молро гирад. Санаи интиқол аз мавҷудияти мол дар анбори Фурӯшанда, вақти коркарди фармоиш ва вақти расонидани ронандаи интихобшуда вобаста аст ва бевосита аз ҲОСИЛ.ТҶ вобаста нест.

2.3.6. Санаи интизоршудаи расонидани хизматрасонии фармоишшуда ин мӯҳлатест, ки пас аз он ба Мизоҷ хизматрасонӣ расонида мешавад. Санаи расонидани хизматрасонӣ аз холӣ будани Хизматрасон ва нақшаи кории ӯ вобаста аст ва бевосита аз ҲОСИЛ.ТҶ вобаста нест.

2.3.7. ҲОСИЛ.ТҶ ҳуқуқ дорад аз иҷроиши фармоиш даст кашад, агар МИЗОҶ шартҳои офертаи оммавии мазкурро вайрон карда бошад ва ба “рӯйхати сиёҳ” илова шуда бошад, масалан, барои рад кардани рӯйпӯшкунии хароҷоти интиқол дар ҳолатҳое, ки мизоҷ аз мол ҳангоми интиқол даст мекашад. 

2.3.8. Маълумот дар бораи вазъи (ҳолати) иҷоиши Фармоиш дар Саҳифаи шахсии Мизоҷ ҷойгир мешавад.

2.4. Бекор кардани фармоиш

2.4.1. Фурӯшанда, Хизматрасон, ҲОСИЛ.ТҶ ё Мизоҷ фармоишро бекор карда метавонанд.

2.4.2. Фурӯшанда ё Хизматрасон ё ҲОСИЛ.ТҶ ҳуқуқ дорад фармоишро бо огоҳ кардани Мизоҷ бекор кунанд, агар иҷроиши фармоиш аз ҷониби Фурӯшанда, Хизматрасон, ҲОСИЛ.ТҶ ё Ронанда бо сабабҳои аз худи Мизоҷ, Фурӯшанда, Хизматрасон, ҲОСИЛ.ТҶ ё Ронанда, нобоваста ғайриимкон бошад, масалан дар ҳолатҳои зерин:

• бастани минтақаи интиқол,
• тағирот дар қоидаҳо ва расмиёти гумрукӣ ва дигар қонунгузории дахлдор,
• баста шудани Нуқтаи фармоиш, ки ҳамчун усули расонидан интихоб шудааст,
• гум шудани моли фармоишшуда ҳангоми интиқол,
• дар ҳолати ошкоршавии бо ягон сабаб набудани моли фармоишшуда дар Фурӯшанда бо сифати мувофиқ барои интиқол ба Мизоҷ,
• ошкоршавии маълумоти носаҳеҳ дар бораи мол (аз ҷумла, вале маҳдуд намешавад: дар бораи хосиятҳои истеъмолии мол, дар бораи нарх, дар бораи мувофиқати тавсифи мол дар саҳифа бо хосиятҳои воқеии он, дар бораи мавҷудияти ҳуҷҷатҳои зарурӣ барои мол ва ғ.)
• ошкоршавии набудани ҳуҷҷатҳои тасдиқкунандаи сифати мол,
• мавҷудияти ҳолатҳои дигаре, ки ба интиқоли мол ба тариқи мувофиқ монеъ мешаванд.

Мизоҷ ҳуқуқ дорад шартҳои нави интқоли молро бо гузоштани фармоиши нав мувофиқа кунад, агар дар лаҳзаи фармоиш мол дар фурӯш бошад. Агар Фурӯшанда моли ба Мизоҷ лозимро дар фурӯш надошта бошад, Мизоҷ метавонад вақти нави расониданро мувофиқа кунад, аммо агар Фурӯшанда дар санаи нав ҳам молро надошта бошад, фармоиш бекор карда мешавад. Агар дар вақти фармоиши нав нархи мол афзоиш ёфта бошад ва фармоиши қаблӣ на ба сабаби нуқсон бекор карда шуда бошад, ҷуброни фарқияти нарх дар рӯзи ҷойгиркунии фармоиши нав анҷом дода намешавад.

2.4.3. Агар Мизоҷ ба миқдори зиёди як молро фармоиш дода бошад ва Фурӯшанда дар анбор миқдори заруриро надошта бошад, Фурӯшанда дар ин бора ба Мизоҷ паём мефиристад. Мизоҷ ҳуқуқ дорад, розӣ шавад, ки молро ба миқдори дастрас аз Фурӯшанда қабул кунад ё ин Фармоишро бекор кунад. Агар Мизоҷ дар тӯли 14 рӯз посух надиҳад, Фурӯшанда ҳуқуқ дорад, ин молро аз фармоиш худаш бекор кунад.

2.4.4. ҲОСИЛ.ТҶ ҳуқуқ дорад, фармоишҳои молҳоро, ки Мизоҷ қаблан бекор карда буд ё пас аз интиқол даст кашида буд, бо қайди сабабҳои ба мавҷудияти нуқсонҳо дар ин молҳо новобаста бекор кунад.

2.4.5. Мизоҷ ҳуқуқ дорад, қарори харидро тағир диҳад, аз моли фармоишшуда ҳар лаҳза қабл аз гирифтани он даст кашад, инчунин аз моли фармоишшуда ҳангоми гирифтани он пурра ё қисман даст кашад. Мизоҷ ҳуқуқ надорад, молеро, ки хосиятҳои инфиродӣ доранд ва танҳо махсусан аз ҷониби Мизоҷ фармоиш шудаанд, рад кунад.

2.4.6. Дар ҳолатҳое, ки Мизоҷ аз мол ҳангоми интиқол даст мекашад, мол ба Фурӯшанда баргардонида мешавад.  Агар Мизоҷ аз қабули мол бо айби Ронанда даст кашида бошад, хароҷоти интиқолро Ронанда худаш рӯйпӯш мекунад.  Агар Мизоҷ аз қабули мол бо айби ҲОСИЛ.ТҶ даст кашида бошад, хароҷоти интиқол аз тарафи ҲОСИЛ.ТҶ рӯйпӯш карда мешавад. Агар Мизоҷ аз қабули мол бо айби Фурӯшанда даст кашида бошад, хароҷоти интиқол аз тарафи Фурӯшанда рӯйпӯш карда мешавад. Агар Мизоҷ аз қабули мол бе айби Ронанда, ҲОСИЛ.ТҶ ва Фурӯшанда даст кашида бошад, хароҷоти интиқол аз тарафи Иизоҷ бояд рӯйпӯш карда шавад. Агар дар ин ҳолат Мизоҷ рӯйпӯшкунии хароҷоти интиқолро рад намояд,  Мизоҷ ба “рӯйхати сиёҳ” илова карда мешаваду аз ин Мизоҷ дигар фармоиш қабул карда намешавад. Дар ҳолатҳое, ки мизоҷ аз мол ҳангоми интиқол даст мекашад, ҲОСИЛ.ТҶ дар саҳифаҳои шахсии Мизоҷ ва Фурӯшанда санади онро бо қайди сабаби рад ва қарори қабулшуда илова менамояд.

2.4.7. Шартҳои баргардонидани маблағ дар ҳолати пурра ё қисман бекор кардани фармоиш то гирифтани он ё ҳангоми интиқол ба Мизоҷ:

(а) маблағҳое, ки барои молҳо ва интиқол пардохта шудаанд, танҳо ба суратҳисоб ва ё корти  бонкии ҶумҳурииТоҷикистон интиқол дода шуда метавонанд.

(б) барои Фармоишҳое, ки бо корти бонкӣ пардохтаанд, баргардонидани пули пардохташуда ба корт, ки аз он пардохт анҷом дода шудааст, гузаронида мешавад. Барои фармоишҳое, ки бо истифодаи шаҳодатнома тӯҳфавӣ пардохта мешаванд, баргардонидан ба шаҳодатнома тӯҳфавӣ бо рамзи пештара сурат мегирад.

3. Пардохт

3.1. Нархи молу хизматрасонӣ ва усулҳою мӯҳлатҳои пардохт

3.1.1. Нархи мол ва хизматрасонӣ дар вебсайт нишон дода шудааст ва онро Фурӯшанда метавонад яктарафа тағир диҳад. Молҳо ва хизматарсониҳои фармоишшуда аз рӯи нархе, ки ҳангоми пахш кардани тугмаи Фармоиш кардан нишон дода шудааст ва ё ҳангоми қабули фармоиш тавассути маркази тамоси  ҲОСИЛ.ТҶ, пардохт карда мешаванд. Нархи мол ва ё хизматрасоние, ки аз ҷониби Мизоҷ фармоиш дода шудааст, тағир дода намешавад.

3.1.2. Усулҳои пардохти мол ва ё хизматрасонӣ дар поён қайд шудаанд. Усули мувофиқашудаи пардохт ин усули интихобкардаи Мизоҷ аз байни усулҳои имконпазир мебошад, ки ҳангоми ҷойгиркунии фармоиш дастрасанд:

 Кортҳои бонкӣ 

Ҳангоми барасмиятории фармоиш, Пардохт бо Корти Миллӣ ва ё Пардохтҳои -ро интихоб кунед ва Фармоиш кардан-ро пахш кунед. Маълумоти корти худро ворид кунед ва Пардохт(Оплатить)-ро пахш кунед. Маблағи ҳадди ақали пардохт 1 сомони аст.

Чунин кортҳои бонкӣ барои пардохт қабул карда мешаванд: Корти Миллӣ ва Visa.

Пас аз пардохти фармоиш, Шумо ба почтаи электрониатон чеки электронӣ мегиред. Ҳама чекҳои электронӣ дар саҳифаи шахсии Шумо дар қисми “Чекҳои электронӣ” нигоҳ дошта мешаванд.

Шаҳодатномаи тӯҳфавӣ

Дар ҲОСИЛ.ТҶ, барои маблағи муайян шаҳодатномаҳо тӯҳфа кардан ва ё гирифтан имконпазир аст. Сипас молҳо ва хизматрасониҳоро дар ҲОСИЛ.ТҶ бо ин шаҳодатномаҳои тӯҳфавӣ пардохт кардан мумкин аст.

Барои харидани шаҳодатномаҳои тӯҳфавӣ номиналро интихоб кунед ва фармоиш диҳед. Дар давоми 30 дақиқа пас аз пардохт, Шумо паёми электронӣ бо рамз мегиред. Шаҳодатномаи тӯҳфавиро дар тӯли як сол истифода бурдан мумкин аст. Шаҳодатномаи тӯҳфавӣ баргардонида намешавад.

Агар шумо шаҳодатномаро истифода бурда натавонед, дар чат ба мо нависед. Дар паём рақами шаҳодатномаро қайд намоед.

Пардохти нақдӣ

Ҳангоми барасмиятории фармоиш, Пардохти нақдӣ-ро интихоб кунед. Баъди интиқоли мол ё расонидани хизмастрасонӣ ба ронанда ва ё хизматрасон пардохт намоед.

3.1.3. Дар сурати бомуваффақият пардохт кардани фармоиш бо усули пардохти бо кортҳои бонкӣ, ҲОСИЛ.ТҶ чеки хазинавиро дар шакли электронӣ (ё пайвандро ба чеки хазинавӣ бо имконияти сабти он дар формати PDF) ба рақами телефон ё суроғаи почтаи электронӣ, ки Мизоҷ нишон додааст, мефиристад. Ғайр аз ин, чекҳои хазинавӣ дар қисми "Чекҳои электронӣ"-и саҳифаи шахсии Мизоҷ нигоҳ дошта мешаванд. Чекҳои хазинавӣ дар шакли чопӣ пешниҳод карда намешавад.

3.1.4. Арзиши молҳо боҷи гумрукиро дар бар намегирад. Шартҳои пардохт ва ҳаҷми боҷҳои гумрукиро қонунгузории гумрукии кишваре, ки молҳои фармоишшуда интиқол мешаванд, муайян мекунад. 

3.1.5. Намудҳои тахфифҳо, холҳо, тартиб ва шартҳои ҳисобкунии онҳо дар сайт нишон дода шудаанд ва онҳоро ҲОСИЛ.ТҶ ба таври якҷониба иваз карда метавонад.

3.2. Пардохт тавассути кортҳои бонкӣ

3.2.1. Тибқи дастурамали Бонки Миллии Ҷумҳурии Тоҷикистон «Дар бораи тартиби хизматрасонӣ тавассути кортҳои пардохтии бонкӣ» аз 29.04.20190 № 190, амалиёт бо кортҳои бонкӣ аз ҷониби дорандаи корт ё аз ҷониби шахсе, ки дар асоси ваколатномаи қонунӣ анҷом дода мешаванд.

3.2.2. Амалиётҳо бо кортҳои бонкӣ аз ҷониби бонк иҷозат дода мешаванд. Агар бонк асос дошта бошад, ки амалиётро қаллобӣ ҳисоб кунад, пас бонк ҳуқуқ дорад аз иҷрои ин амалиёт даст кашад. Амалиётҳои қаллобона бо кортҳои бонкӣ мутобиқи моддаи 247 Кодекси ҷиноятии Ҷумҳурии Тоҷикистон ҷиноят мебошанд ва тибқи қонунҳои ҷиноятӣ ҷазо дода мешаванд. Бо мақсади пешгирӣ кардани ҳолатҳои истифодаи нодурусти кортҳои бонкӣ ҳангоми пардохт, ҳама фармоишҳои пешпардохтшударо ҲОСИЛ.ТҶ месанҷад. ҲОСИЛ.ТҶ барои бекор кардани фармоиш бе ягон сабаб ҳуқуқ дорад. Дар ин ҳолат арзиши фармоиш ба корти бонкии соҳиби он баргардонида мешавад.

3.2.3. Қабул ва коркарди пардохтҳо тавассути Корти Миллӣ аз ҷониби CBT (cbt.tj)  ва Корти VISA аз ҷониби IBT (ibt.tj) ва ё дигар иҷрокунандаи пардохтҳои электронӣ сурат мегирад. ҲОСИЛ.ТҶ ва Фурӯшанда коркард, аз ҷумла ҷамъоварӣ ва нигоҳдории маълумоти корти бонкии Мизоҷонро анҷом намедиҳанд.

3.3. Пардохт тавассути Шаҳодатномаи тӯҳфавии ҲОСИЛ.ТҶ

3.3.1. Шаҳодатномаи тӯҳфавӣ ба соҳибаш (дорандааш) ҳуқуқи харидани ҳама гуна мол ё хизматрасониро бо маблағи ба арзиши номиналии Шаҳодатномаи тӯҳфавӣ баробар бо нархҳое, ки ҳангоми фармоиш амал мекунанд, медиҳад.

3.3.2. Мӯҳлати амали Шаҳодатномаи тӯҳфавиро ҲОСИЛ.ТҶ муайян мекунад ва ба Мизоҷон дар саҳифаи тавсифи Шаҳодатномаҳои тӯҳфавӣ хабар медиҳад (дар ҳар сурат, мӯҳлати амали Шаҳодатномаи тӯҳфавӣ аз рӯзи пардохт на камтар аз як моҳ ва на зиёда аз як сол буда метавонад). Дар давоми мӯҳлати амали Шаҳодатномаи тӯҳфавӣ, доранда бояд онро истифода барад. Вагарна пас аз ба ба итмом расидани мӯҳлати истифодабарӣ Шаҳодатномаи тӯҳфавӣ бекор карда мешавад.

3.3.3. Истифода набурдани он дар давраи амали он ҳамчун даст кашидан  аз ҳуқуқи истифодабарӣ эътироф карда мешавад ва боиси иҷрои ӯҳдадориҳои ҲОСИЛ.ТҶ барои иваз кардани Шаҳодатномаи тӯҳфавӣ ё баргардонидани маблағи пардохтшударо барои Шаҳодатномаи тӯҳфавӣ ба Мизоҷ намешавад.

3.3.4. Шаҳодатномаи тӯҳфавиро барои миқдори номаҳдуди фармоишҳо дар доираи арзиши номинали он истифода бурдан мумкин аст.

3.3.5. ҲОСИЛ.ТҶ барои беиҷозати доранда истифода бурдани Шаҳодатномаи тӯҳфавӣ масъулият надорад, зеро ҳангоми истифодаи он ҳуҷҷати тасдиқкунандаи шахсияти доранда талаб карда намешавад.

3.3.6. Дар ҳолати бекор кардани фармоише, ки барои он Шаҳодатномаи тӯҳфавӣ истифода шудааст, маблағи он ба Шаҳодатномаи тӯҳфавӣ бо рамзи пештара барқарор карда  мешавад ва танҳо барои фармоиши молҳо ва хизматҳо дар ҲОСИЛ.ТҶ истифода мешаванд.

3.4. Пардохт тавассути Холҳои  ҲОСИЛ.ТҶ

3.4.1. Хол - ин як воҳиди шартии виртуалӣ мебошад, ки ҳангоми фармоишҳо барои гирифтани таҳфиф истифода бурдан мумкин аст. Холҳо маблағи пулӣ ҳисоб карда намешаванд ва ҳуқуқи гирифтани онҳоро бо пули нақд намедиҳанд.

3.4.2. Холҳо ба Мизоҷон ҳамчун мукофот дар доираи аксияҳо ва дар ҳолатҳои дигар бо салоҳдиди ҲОСИЛ.ТҶ ё Фурӯшанда дода мешаванд.

3.4.3. Ҳангоми фармоиш Мизоҷон Холҳои гирифтаашро дар шакли таҳфиф ба андозаи 1 хол = таҳфифи 1 сомони истифода бурда метавонанд.

3.4.4. Холҳо дар давоми 1 сол аз рӯзи гирифта шудан эътибор доранд, агар дар шартҳои аксия ё огоҳиномаи ҷамъоварии холҳо тартиби дигаре пешбинӣ нашуда бошад.

4. Интиқол

4.1. Усулҳои интиқол

4.1.1. Интиқоли молҳои фармоишшударо ҲОСИЛ.ТҶ ё Фурӯшанда мустақилона ё тавассути Хадамоти интиқолӣ ё Ронандаҳои, ки барои ин мақсад ҷалб карда шудаанд, анҷом медиҳанд. Имконияти расонидан ба суроғаи қабулкунанда ҳангоми гузоштани фармоиш муайян карда мешавад. Усули интиқоли мувофиқашуда усули интихобкардаи Мизоҷ мебошад, ки ҳангоми ҷойгиркунии фармоиш интихоб мекунад.

4.1.2. Шартҳои қабули молҳои фармоишшуда ҳангоми интиқоли ҲОСИЛ.ТҶ:

• Агар ҷои таъиноти расонидани молҳои фармоишшуда барои даромадани озод маҳдуд бошад, Мизоҷ бояд имконияти гузаштани ронандаро таъмин намояд.
• Пешниҳоди ҳуҷҷатҳо барои гирифтани молҳои фармоишшуда: агар фармоиш пешпардохтшуда бошад, пас ронанда ба ғайри рақами фармоиш ҳуҷҷати тасдиқкунандаи шахсиятро (масалан, шиноснома) талаб менамояд.
• Барои санҷиши молҳо Шумо 15 дақиқа вақт доред.

4.1.3. Шартҳои гирифтани молҳои фармоишшуда аз “Нуқтаҳои гирифтани мол” (ин намуди хизматрасонӣ дертар ба кор андохта мешавад):

• Нуқтаҳои гирифтани мол -  ҷойҳое, ки Мизоҷон метавонанд молҳои фармоишкардаашонро худ мустақилона бигиранд. Масалан, аз мағозаи кишоварзӣ, анборҳо, офиси ширкатҳо, ҷои истеҳсолоти Фурӯшандагон ва ғ.
• Суроғаи нуқтаи  гирифтани мол ва соатҳои кории он дар саҳифаи фармоиш қайд карда мешавад.
• Пешниҳоди ҳуҷҷатҳо барои гирифтани молҳои фармоишшуда лозим нест. Барои гирифтани молҳо ба корманди масъул рақами фармоишро пешниҳод намудан лозим аст.
• Мӯҳлати нигоҳдорӣ: Молҳои фармоишшуда дар нуқтаҳои гирифтан дар мӯҳлати дар саҳифаи фармоиш қайдшуда нигоҳ дошта мешаванд.

4.2. Маҳдудиятҳои интиқоли мол ва нуқтаҳои гирифтан

4.2.1. Маҳдудиятҳо аз маҳсулоти фармоишшуда вобаста ҳастанд. Ҳангоми фармоиш, ба Шумо танҳо он нуқтаҳои гирифтан ва усулҳои интиқол, ки барои маҳсулоти фармоишшуда имконпазир мебошанд, дастрас мешаванд. 

4.2.2. Агар нуқтаи гирифтан ва ё усули интиқолро интихоб кардан ғайриимкон бошад, пас Шумо молҳое интихоб кардед, ки аз андозаи иҷозатдодашуда зиёд мебошад; ё вазни умумии молҳои фармоишшуда аз вазни иҷозатдодашуда зиёд мебошад; ё Шумо молеро интихоб кардед, ки ба нуқтаи гирифтан расонида намешавад.

4.2.3. Агар вазни фармоиш аз вазни иҷозатшудаи лифти бино зиёд бошад, молҳои фармоишшуда то ба ҳуҷра бардошта намешаванд. Инчунин, агар вазни фармоиш аз 5 кг зиёд бошад ва дар бинои бисёрошёна лифт кор накунад, молҳои фармоишшуда то ба ҳуҷра бардошта намешаванд.

4.2.4. Набудани усули интиқол барои молҳои фармоишшуда: Усули расонидани молҳои фармоишшуда дастнорас шуданаш мумкин аст, агар Шумо дар фармоиш молҳоеро интихоб карда бошед, ки мо онро расонида натавонем. Масалан, молҳои калонҳаҷм, аз меъёр вазнин ва ғ.

4.3. Арзиш ва мӯҳлати интиқол

4.3.1. Арзиши интиқол барои ҳар як фармоиш алоҳида, вобаста ба вазн, минтақа ва усули таҳвилу пардохт ҳисоб карда мешавад ва дар марҳилаи охирини фармоиш пешкаш карда мешавад.

4.3.2. Мӯҳлат барои гирифтани молҳои фармоишшуда аз нуқтаҳои гирифтан маҳдуд аст ва ҳангоми фармоиш, дар марҳилаи интихоби усули интиқол нишон дода мешавад. Нагирифтани молҳои фармоишшуда дар мӯҳлати муайяншуда радди Мизоҷ аз фармоиш ва барои бекор кардани он асос мебошад.

4.3.3. Ҳангоми қабули молҳои фармоишшуда аз нуқтаи гирифтан ва ё интиқоли фармоиш, Мизоҷ дар ҳузури шахси фармоишро супоранда бояд намуди зоҳирӣ, бастабандӣ, миқдори маҳсулот, пуррагӣ, номгӯи молҳоро тафтиш кунад. Даъво оиди намуди зоҳирӣ, бастабандӣ, миқдори маҳсулот, пуррагӣ, номгӯи молҳо пас аз қабули фармоиш қабул карда намешавад.

4.3.4. Ҳангоми интиқоли фармоиш шахси фармоишро супоранда ҳуқуқ дорад, бо мақсади пешгирии ҳолатҳои қаллобӣ, инчунин иҷрои ӯҳдадориҳое, ки ҳангоми супоридани фармоиши пешпардохтшуда, пешниҳоди ҳуҷҷати шахсияти қабулкунандаро талаб кунад ва қабулкунанда вазифадор аст, ҳуҷҷати тасдиқкунандаи шахсиятро пешниҳод кунад. Дар ҳолати мавҷуд набудани ҳуҷҷати тасдиқкунандаи шахсият ё ихтилофи синну соли қабулкунанда, мол ба қабулкунанда супорида намешавад, аммо хизмати интиқол расонидашуда ба ҳисоб меравад ва қабулкунанда арзиши интиқолро бояд пардохт намояд.

4.3.5. Хатари вайроншавии тасодуфии молҳо аз лаҳзаи супоридани фармоиш ба Мизоҷ мегузарад. Агар мол то ин лаҳзаи муқарраршуда гум шуда бошад, ба Мизоҷ арзиши моли пешпардохтшуда ва расонидани он пас аз гирифтани тасдиқи гум шудани мол аз Фурӯшанда ё Хадамоти интиқол ё Ронанда баргардонида мешавад.

4.3.6. Агар барои Мизоҷ гирифтани фармоише, ки пардохташ бо пули нақд аст, ғайриимкон бошад, фармоиш ба шахсе (намояндаи Мизоҷ) супорида мешавад, ки дар бораи фармоиш маълумот диҳад (рақами фармоиш ва  номи пурраи Мизоҷ), инчунин арзиши фармоишро ба шахси фармоишро супоранда пурра пардохт кунад.

4.3.7. Ҳангоми гузаронидани чорабиниҳои маркетингӣ маводҳои маркетингӣ ба фармоиш ҳамроҳ карда мешаванд, интиқоли ин маводҳо якҷоя бо мол анҷом дода мешавад. Барои рад кардани ҳамроҳкунии маводҳои маркетингӣ ба фармоиш, Мизоҷ бояд ба Хадамоти Дастгирии ҲОСИЛ.ТҶ муроҷиат кунад.

5. Баргардонидани молҳо

5.1. Шартҳои умумии баргардонидан

5.1.1. Мизоҷ метавонад молҳои фармоишшударо пас аз гирифтани он ба Фурӯшанда баргардонад, шартҳо ва мӯҳлатҳои баргардонидан дар поён оварда шудаанд:

Шартҳо ва мӯҳлатҳои баргардонидани молҳо

• Дар муддати 14 рӯзҳои тақвимӣ аз санае, ки Шумо фармоишро қабул мекунед, Шумо метавонед ҳатто молҳои бенуқсон, ки ба Шумо писанд нашуданд, ба ҷуз намуди молҳои дар поён қайдшуда, баргардонед.
• Бо қарори Ҳукумати Ҷумҳурии Тоҷикистон аз 06.06.2005 №209 "Рӯйхати маҳсулоти ғайриозуқавии бенуқсон, ки баргардонида намешавад ва ё ба як маҳсулоти шабеҳи андоза, шакл, услуби дигар баргардонида намешавад" тасдиқ карда шудааст. Ин рӯйхат имконнопазирии баргардонидани молҳои бенуқсонро, ки дорои хосиятҳои алоҳида муайяншуда мебошанд, нишон медиҳад. Ба чунин гурӯҳ молҳои зерин дохил мешаванд:

• Кӯчатҳо
• Ниҳолҳо
• Нуриҳо
• Воситаҳои биологӣ ва кимёвии ҳифзи растанӣ
• Ангезаҳои рушд

• Агар Фурӯшанда дар тавсифи мол дигар мӯҳлатро қайд карда набошад, мӯҳлати кафолат барои ҳамаи молҳои дар ҲОСИЛ.ТҶ фурӯхташаванда 7 рӯз аст. Дар давоми мӯҳлати кафолат - Шумо метавонед молҳои нуқсондорро (сифати номатлуб) баргардонед, ба шарте ки хулосаи коршиносон пешкаш карда шавад, ки ин камбудӣ пеш аз ба Мизоҷ супоридани мол пайдо шудааст. Хулосаро аз Хадамоти Дастгирии ҲОСИЛ.ТҶ гирифтан мумкин аст. Инчунин, дар давоми мӯҳлати кафолат, молҳое, ки таъмиршавандаро дар Хадамоти Дастгирии ҲОСИЛ.ТҶ таъмир кардан мумкин аст.
• Вақте ки мо молҳои баргардонидаро мегирем, мо онро тафтиш менамоем. Агар он ҳуқуқи баргардониданро дошта бошад, мо маблағи шуморо дар муддати 10 рӯз бармегардонем ва оиди ин шумо огоҳинома мегиред. Агар ҳангоми санҷиш маълум шавад, ки молро баргардонидан мумкин нест, мо бо шумо тавассути телефон тамос хоҳем гирифт.

5.1.2. Молҳое, ки барои кор сӯзишвории зуддаргиранда (газ, бензин ва ғ.) талаб мекунанд, барои баргардонидан танҳо дар ҳолате қабул карда мешаванд, ки агар онҳо аз сӯзишворӣ пурра холӣ кардашуда бошанд.

5.2. Баргардонидани молҳои бенуқсон

5.2.1. Баргардонидан ё ивази молҳои бенуқсон дар ҳолате амалӣ карда мешаванд, ки агар моли зикршуда истифода нашуда бошанд, намуди зоҳири онҳро, хосиятҳои истеъмолӣ, мӯҳрҳо, тамғаҳои заводӣ ва ғ. нигоҳ дошта шуда бошанд, инчунин далели хариди молҳои зикршуда дар ҲОСИЛ.ТҶ тасдиқ шавад. Агар нишонаҳои истифодаи мол пайдо шаванд (аз ҷумла, набудани ё осори азнавчаспонии штрихкоди мол, вайрон кардани мӯҳр ва ғ.), дар ин асос ҲОСИЛ.ТҶ ё Фурӯшанда ҳуқуқи рад кардани баргардонидани маблағро дар ихтиёр доранд.

5.2.2. Молҳои намудҳои алоҳидаро, ки дар “Шартҳо ва мӯҳлатҳои баргардонидани молҳо”-и банди 5.1.1. қайд шудаанд, танҳо дар ҳолати нуқсондор будан баргардонидан мумкин аст.

5.3. Баргардонидани молҳои нуқсондор (сифати номатлуб)

5.3.1. Вақте ки Мизоҷ моли нуқсондорро (дорои сифати номатлуб) бармегардонад, Фурӯшанда ба ӯ арзиши моли баргардонидашуда, инчунин арзиши интиқолро дар давоми 10 рӯз аз рӯзи гирифтани моли дорои сифати номатлуб бармегардонад, ба шарте, ки нуқсони мол истеҳсолӣ мебошад ва бо айби Мизоҷ ба вуҷуд наомада бошад. Агар дар фармоиши Мизоҷ молҳои бенуқсон мавҷуд бошанд, арзиши интиқол баргардонида намешавад.

5.3.2. Маълумоти иловагиро дар бораи усулҳо ва тартиби баргардонидани молҳои нуқсондор дар “Шартҳо ва мӯҳлатҳои баргардонидани молҳо”-и банди 5.1.1. бубинед.

5.4. Вайроншавии шартҳои номгӯю навъҳои фармоишшуда

5.4.1. Ҳангоми интиқоли молҳои фармоишшуда  бо вайронкунии шартҳои номгӯю навъҳои фармоишшуда Мизоҷ ҳуқуқ дорад:

(а) Моли барзиёдро рад кунад ва иваз кардани молро бо навъҳои дар фармоиш қайдшуда ё баргардонидани маблағро барои молҳои воқеан интиқолнашуда талаб кунад. Дар ин ҳолат, мол бояд ба Фурӯшанда баргардонида шавад ва хароҷоти интиқол аз ҳисоби Фурӯшанда рӯйпӯш шавад.

(б) Молҳоро қабул кунад ва дар ин ҳолат ҲОСИЛ.ТҶ ҳуқуқ дорад аз Мизоҷ талаб кунад, ки онҳоро бо нархи муайянкардаи Фурӯшанда дар ҲОСИЛ.ТҶ ҳангоми интиқоли мол пардохт кунад. Агар молҳои воқеан интиқолёфта дар ҲОСИЛ.ТҶ ҳангоми интиқоли молҳо дар фурӯш набошад, ин молҳо аз рӯи нархи бо ҲОСИЛ.ТҶ мувофиқашуда пардохт карда мешавад.

5.5. Вайроншавии шартҳо аз рӯи миқдори фармоишшуда

5.5.1. Агар ҳангоми супоридани молҳои фармоишшуда аз ҷониби Мизоҷ ихтилофот дар миқдори молҳо дар фармоиш ошкор шавад, Мизоҷ вазифадор аст, дар ин бора фавран ҲОСИЛ.ТҶ ё Фурӯшандаро хабар диҳад. Агар Мизоҷ шартҳои огоҳкунии ҲОСИЛ.ТҶ ё Фурӯшандаро вайрон кунад, онҳо ҳуқуқ доранд, ки Мизоҷро аз қонеъ гардонидани талабот оиди  миқдори молҳоии интиқолшуда рад кунанд.

5.5.2. Агар Мизоҷ молҳои фармоишшударо камтар аз миқдори дар фармоиш қайдшуда гирифта бошад, Мизоҷ ҳангоми интиқоли фармоиш ҳуқуқ дорад, молҳоро дар қисмати мувофиқат ба фармоиш қабул кунад ва интиқоли молҳои боқимондаро талаб кунад, ё, агар молҳои расониданашуда пардохта шуда бошанд, фармоишро дар қисми молҳои расониданашуда рад кунад ва баргардонидани маблағи онро талаб кунад.

5.5.3. Интиқоли молҳои расониданашуда тавассути гузоштани фармоиши нав амалӣ карда мешавад. Агар нархи мол афзоиш ёфта бошад, пеш аз ҷойгир кардани фармоиши нав, Мизоҷ бояд бо ҲОСИЛ.ТҶ дар тамос шавад. Агар молҳои расониданашуда қаблан аз ҷониби Мизоҷ пардохта нашуда бошад ва ё арзиши он ба корти бонкӣ баргардонида шуда бошад, молҳо ҳангоми ҷойгиркунии фармоиши нав метавонанд ба усули дилхоҳи дастрас пардохта шаванд. Агар интиқоли молҳои расониданашуда ғайриимкон бошад, ҲОСИЛ.ТҶ ё Фурӯшанда ба Мизоҷ дар ин бора хабар медиҳанд.

5.6. Иҷроиши талаботи Мизоҷ

5.6.1. Ивази молҳои бенуқсон ё иваз кардани молҳои нуқсондор (сифатан номувофиқ) тавассути баргардонидани молҳо ба ҲОСИЛ.ТҶ бо бекоркунии минбаъдаи фармоиш, сипас ҷойгир кардани фармоиши нав сурат мегирад. Дар ин ҳолат, бекоркунӣ санади техникист ва радди фурӯшанда аз иҷрои шартномаро дар назар надорад. Маблағ пурра ба Мизоҷ баргардонида мешавад. Агар дар вақти дархости Мизоҷ, аз ҷониби Фурӯшанда маҳсулоти шабеҳ дар фурӯш набошад, Мизоҷ ҳуқуқ дорад аз иҷрои шартномаи хариду фурӯш даст кашад ва баргардонидани маблағи барои молҳои зикршуда пардохтшударо талаб кунад. Фурӯшанда маблағи молҳои расониданашударо дар мӯҳлати қонунӣ бармегардонад.

5.6.2. Мизоҷ метавонад моли нуқсондорро (дорои сифати номатлуб) дар Хадамоти Дастгирии ҲОСИЛ.ТҶ таъмир кунад ё дар мӯҳлати муқарраршудаи кафолати маҳсулот ба Фурӯшанда барои таъмир супорад. Барои гирифтани тафсилоти бештар дар бораи усулҳо ва тартиби таъмир дар “Шартҳо ва мӯҳлатҳои баргардонидани молҳо”-и банди 5.1.1. бубинед.

5.7. Баргардонидани молҳои аксияшуда

5.7.1. Ҳангоми харидории маҷмӯи молҳо тибқи аксияе, ки дар доираи он барои яке аз мол ё ҳамаи молҳо дар маҷмӯъ таҳфиф пешбинӣ шудааст, молҳои бенуқсон  ё нуқсондор танҳо дар маҷмӯа баргардонида мешаванд. Баргардонидани молҳои алоҳида аз маҷмӯъ ғайриимкон аст, агар дар қоидаҳои аксия тартиби дигаре пешбинӣ нашуда бошад.

5.8. Баргардонидани маблағҳои пулӣ, шаҳодатномаҳо тӯҳфавӣ ва холҳо

5.8.1. Баргардонидани маблағҳои молҳои баргардонидашуда ё воқеан интиқолнашуда аз тарафи ҲОСИЛ.ТҶ бо яке аз роҳҳо вобаста ба усули пардохти фармоиш тибқи шартҳои зерин амалӣ карда мешавад:

• Агар шумо фармоишатонро бекор кунед, мо ҳамаи маблағҳои пардохтшуда ва холҳоро бармегардонем.
• Ҳангоми баргардонидани молҳои фармоишшуда пас аз интиқол, мо ҳама маблағҳои пардохтшуда ва холҳоро бо тарҳи хароҷоти интиқол аз ин маблағ бармегардонем, агар баргардонидани молҳо дуруст ба расмият дароварда шуда бошад. 

5.8.2. Ҳангоми бекор кардани фармоиш ё  баргардонидани молҳои фармоишшуда пас аз интиқол маблағи Шаҳодатномаҳои тӯҳфавӣ ба Шаҳодатномаи тӯҳфавӣ бо рамзи пештара барқарор карда  мешавад. Маблағи Шаҳодатномаҳои тӯҳфавӣ ба Мизоҷ баргардонида намешавад ва танҳо барои пардохти молҳо дар ҲОСИЛ.ТҶ истифода мешавад.

6. Шартҳои дигар

6.1. Моликияти зеҳнӣ

6.1.1. Ҳама маълумоти матнӣ дар сайт моликияти ҲОСИЛ.ТҶ, Фурӯшандагон, Хизматрасонҳо  ва дигар ҳамокорони  ҲОСИЛ.ТҶ мебошанд.

6.2. Кафолатҳо ва масъулият

6.2.1. ҲОСИЛ.ТҶ ва Фурӯшанда барои зарари ба Мизоҷ дар натиҷаи истифодаи номатлуби  молҳое, ки дар ҲОСИЛ.ТҶ фармоиш кардаанд, ҷавобгар нестанд.

6.2.2. ҲОСИЛ.ТҶ ҳуқуқ дорад, ки ҳуқуқҳо ва ӯҳдадориҳояшро, ки аз муносибати ӯ бо Мизоҷ бармеоянд, ба шахсони сеюм вогузорад.

6.2.3. ҲОСИЛ.ТҶ барои талафоте, ки Мизоҷ метавонад дар натиҷаи ба моликияти шахси дигар гузаштани рақами телефони ӯ, аз ҷумла аз ҷониби Мизоҷ дар натиҷаи дарозмуддат (аз 3 моҳ) истифода накардани рақамаш, расад, ҷавобгар нест. 

6.2.4. ҲОСИЛ.ТҶ барои саҳеҳӣ ва дурустии маълумоти аз ҷониби Мизоҷ пешниҳодшуда ҳангоми санҷиш ҷавобгар нест.

6.3. Махфият ва ҳифзи маълумоти шахсӣ

6.3.1. Барои гирифтани маълумоти бештар дар бораи махфият ва ҳифзи маълумоти шахсӣ, ин ҷоро пахш кунед.

6.4. Қоидаҳои баҳодиҳӣ ва нашри эроду саволҳо дар ҲОСИЛ.ТҶ

6.4.1. Танҳо Мизоҷоне, ки фармоиш додаанд ва онро қабул кардаанд, метавонанд баҳо гузоранд ва эроду саволҳо илова кунанд.

6.4.2. Қоидаҳои баҳодиҳӣ ва нашри эроду саволҳо  дар ин ҷо оварда шудаанд

6.5. Муошират  ва дигар ҳолатҳо

6.5.1. ҲОСИЛ.ТҶ ё Фурӯшанда огоҳиномаҳо ва паёмҳоро ба суроғаи почтаи электронӣ ва рақами телефоне, ки ҳангоми бақайдгирӣ нишон дода шудааст ва / ё ба саҳифаи шахсии Мизоҷ мефиристанд.

6.5.2. Дар ҳолати пайдо шудани ягон савол, Мизоҷ бояд тавассути суроғаи  info@hosil.tj ё чат ё тавассути маркази тамос (+992-44-630-35-35)  бо ҲОСИЛ.ТҶ дар алоқа шавад. Агар аз ҷониби Мизоҷ даъво пеш ояд, Мизоҷ бояд онро тавассути почта ба суроғаи кӯчаи Исмоили Сомони, бинои 4, ҳуҷраи 48, 735700, Хуҷанд, Тоҷикистон фиристонад.

6.5.3. Ҷавобҳои ҲОСИЛ.ТҶ ба дархостҳо ва талаботҳои Мизоҷ дар сурате эътироф карда мешаванд, ки агар онҳо ба саҳифаи шахсӣ ё ба суроғаи почтаи электронӣ, ё рақами телефонии Мизоҷ, ки ҳангоми бақайдгирӣ аз ҷониби ӯ нишон дода шудааст, ё дар шакли хаттӣ ба суроғаи почтаи Мизоҷ фиристодан шаванд. (агар чунин фармоиш аз ҷониби Мизоҷ бошад).

6.5.4. Баҳсҳое, ки байни тарафҳо пайдо мешаванд, бо тариқи гуфтушунид ҳал карда мешавад. Агар тарафҳо ба мувофиқа наоянд, баҳсҳо дар асоси қонунгузориҳои Ҷумҳурии Тоҷикистон ҳал карда мешавад.

6.5.5. Аз ҷониби суд беэътибор донистани яке аз муқаррароти оферта боиси беэътибор донистани муқаррароти боқимонда намегардад.

7. Маълумоти ҳатмӣ

7.1. Маълумоти ҳатмии ҲОСИЛ.ТҶ дар ин ҷо оварда шудааст