Маҳсулотҳо :: Таҷҳизоти биогаз :: Бионурӣ

Бионурӣ

Бионурии баъд аз истеҳсоли биогаз ҳосил шуда, ҳамчун нурии органикӣ барои баланд бардоштани ҳосилхезии замин истифода бурда шуда, хусусиятҳои нигоҳ доштани намӣ ва ғизоро дар хок беҳтар мегардонад. Бо туфайли дар таркиби бионурӣ мавҷуд будани маҷмӯи моддаҳои ғизоии барои растанӣ зарурӣ ҳосилнокии зироатҳоро баланд мебардорад. Бионурӣ аз тухмии алафҳои бегона ва микроорганизмҳои зараровар тоза мебошад.

Истифодабарии бионурӣ ба коҳиш додани вобастагӣ аз нуриҳои кимиёвӣ кӯмак мекунад, ки ин ҳам аз ҷиҳати иқтисодӣ ва ҳам аз ҷиҳати экологӣ фоидаовар аст:

(1) Арзиши нуриҳои кимиёвӣ баланд ҳастанд, ки на ҳама деҳқон онҳоро дастрас карда метавонад ва
(2) Инчунин, истифодаи бионурӣ партовҳои гази метан ва оксиди нитрогенро ба атмосфера, ки аз сабаби истифодаи нуриҳои синтетикӣ ба вуҷуд меоянд, коҳиш дода, гармшавии глобалиро маҳдуд менамояд.
(3) Ба шахсони бионуриро ба ҷои нуриҳои минералӣ истифодабаранда ҳар сол ҷубронпулӣ барои камкунии газҳои гулхонаӣ пардохт карда мешавад.

Усулҳои истифодабарии бионурӣ:

(1) Коркарди тухмиҳо пеш аз кишт ва решаи ниҳолҳо пеш аз шинонидан
(2) Истифодабарии бионурӣ баъди кишти зироатҳо барои таъмини сабзиши саросарии тухмиҳо
(3) Истифодабари бионурӣ бо мақсади ғизодиҳии иловагӣ дар намуди шарбат дар вақти обёрии зироатҳои кишоварзӣ
(4) Истофодабарӣ дар намуди ғизодиҳии баргӣ
(5) Истифодабарӣ бо мақсади омода кардани биогумус ва компост

Солҳои охир бо пешрафти илму технология истеҳсоли намудҳои гуногуни нуриҳои минералӣ ба роҳ монда шуда, аз тарафи хоҷагидорон барои ба даст овардани ҳосили баланди зироатҳои кишоварзӣ истифода бурда мешавад. Лекин бояд қайд, ки истифодабарии нуриҳои минералӣ самараи кӯтоҳмуддат дорад. Ба ғайр аз ин, болоравии нархи нуриҳои минералӣ ва аз ин сабаб маҳдудшавии ҳаҷми истифодаи нуриҳои минералӣ, моро водор менамояд, ки барои дарёфти усулҳои беҳтари таъмини ҳосилнокии баланди зироатҳо ва ҳосилхезии хок корбарӣ намоем.

Дар ин самт истифодаи бионурӣ метавонад, ҳалли муаммо бошад. Зеро истифодаи бионурӣ ғайр аз баланд бардоштани ҳосилнокии зироатҳо барои беҳтар кардани таркиби хок (ҳавогузаронӣ, намиғунҷоиш, беҳтарнамоии азхудкунии моддаҳои ғизоӣ, гармифурӯбарӣ) ба таври дарозмуддат мусоидат мекунад.

Инчунин, бионурӣ дар хок тез аз худ шуда, барои зироатҳо ба осонӣ дастрас мешавад.

Сӯзишвории тоза ва арзон барои деҳқонон
Кам кардани партови метан ба атмосфера ва маҳдуд намудани гармшавии глобалӣ
Саҳм гузоштан дар коҳиш додани меҳнати вазнин барои занони деҳот
Барои баланд бардоштани ҳосилхезии замин Ҳавасмандкунии деҳқонон ба истифодаи нуриҳои органикӣ ва маҳдуд кардани истифодаи нуриҳои кимиёвӣ

Таҷҳизот барои истеҳсоли биогаз ба технологияи биореактори гибридӣ асос меёбад, ки барои коркарди поруи чорвою паррандаҳо пешбинӣ шудааст. Реактор поруи бо об омехташударо коркард намуда, биогаз ва бионурӣ истеҳсол мекунад.

Биогаз аз метан (60-70%) ва карбон диоксид (30-40%) иборат буда, барои пухтупаз, гармкунӣ ва истеҳсоли барқ истифода мешавад.

Бионурии ҳосилшуда нурии органикии сифатнок буда, ҳосилнокии заминро 30-50% зиёд мекунад.