Тест

• Сӯзишвории тоза ва арзон барои деҳқонон
• Кам кардани партови метан ба атмосфера ва маҳдуд намудани гармшавии глобалӣ
• Саҳм гузоштан дар коҳиш додани меҳнати вазнин барои занони деҳот
• Барои баланд бардоштани ҳосилхезии замин
• Ҳавасмандкунии деҳқонон ба истифодаи нуриҳои органикӣ ва маҳдуд кардани истифодаи нуриҳои кимиёвӣ

Таҷҳизот барои истеҳсоли биогаз ба технологияи биореактори гибридӣ асос меёбад, ки барои коркарди поруи чорвою паррандаҳо пешбинӣ шудааст. Реактор поруи бо об омехташударо коркард намуда, биогаз ва бионурӣ истеҳсол мекунад.

Биогазро барои пухтани хӯрок, ё гармкунии об истифода бурдан мумкин аст, дар таҷҳизотҳои калон бошад, биогази истеҳсолшударо, ба барқ табдил медиҳанд. Биогазро инчунин барои гармкунии молхонаҳо, гармхонаҳо ва барои дастгоҳҳои говдӯшӣ, мошинаи хошокмайдакунӣ ва ғ. истифода мебаранд.

Бионурӣ ҳосилхезии хокро беҳтар ва ҳосилнокии зироатҳоро баланд менамояд.
Бо кӯмаки ин технология, хонаводаҳо ва хоҷагиҳои чорвопарварӣ бар ивази танҳо сӯхтани пору, акнун метавонанд ҳам дорои манбаи энергияи тозаю арзон барои хӯрокпазӣ ва гармкунии хонаҳо шаванд ва ҳам барои баланд бардоштани ҳосилхезии заминҳои худ бионурӣ истеҳсол кунанд.

Занҳо низ дигар ба хушконидани пору ва тайёр кардани таппак машғул намешаванд ва вақти холии бештар хоҳанд дошт, ки онро метавонанд барои омӯзиш ва ё агробизнеси худ сарф кунанд.

Бо дастгирии лоиҳаи GEFF дар хоҷагии худ технологияҳои сабзро, аз ҷумлаи таҷҳизоти биогазро ҷорӣ кунед. Дар ин ҳолат шумо имкон доред, ки то 15% барои таҷҳизоти биогаз + то 25% барои гармхонае, ки барои пӯшонидани биореактор насб карда мешавад, грант гиреду боқимондаашро ҳамчун қарзи сабз аз бонкҳои ҳамкори лоиҳа гиред. Намунаи ҳисоби пардохти қарзи сабз барои таҷҳизоти биогаз бо гармхонааш дар поён оварда шудааст:

Тасвир:

1. Андозаи ҳавзҳо барои насби биореактор

Бояд қайд кард, ки ҳангоми насби таҷҳизоти истеҳсоли биогаз қисмати муайяни он аз сатҳи замин поёнтар, яъне дар зери замин (дар чуқурӣ) ҷойгир карда мешавад. Аз ин лиҳоз, барои ҳар як модели биореактор мизоҷон ӯҳдадоранд ҳавз (ҳавз)-ро бо андозаи муқарраршуда пешакӣ кофта, мутобиқи талаботи техникӣ омода намоянд.

Андозаи ҳавзҳо барои насби биореактор:
Система 6: L (дарозӣ) – 2,25 м; B (бар)- 2,25 м; С (чуқурӣ)- 0,7 м; D (диагонал)- 3,18 м
Система 8: L (дарозӣ) – 3,05 м; B (бар)- 2,25 м; С (чуқурӣ)- 0,9 м; D (диагонал)- 3,79 м
Система 12: L (дарозӣ) – 4,05 м; B (бар)- 2,25 м; С (чуқурӣ)- 0,9 м; D (диагонал)- 4,63 м
Система 16: L (дарозӣ) – 6,05 м; B (бар)- 2,25 м; С (чуқурӣ)- 0,9 м; D (диагонал)- 6,45 м
Система 20: L (дарозӣ) – 8,05 м; B (бар)- 2,25 м; С (чуқурӣ)- 0,9 м; D (диагонал)- 8,36 м
Система 30: L (дарозӣ) – 12,05 м; B (бар)- 2,25 м; С (чуқурӣ)- 0,9 м; D (диагонал)- 12,26 м
Система 40: L (дарозӣ) – 16,05 м; B (бар)- 2,25 м; С (чуқурӣ)- 0,9 м; D (диагонал)- 16,21 м

Эзоҳ:
- Дар мавзеъҳое, ки таркиби хок сангреза ё шағалрез буда, ё сатҳи боришот баланд аст ва эҳтимолияти фурӯ рехтани девораҳои ҳавз вуҷуд дорад, девораҳо бояд бетонпӯш ё бо хишти пухта мустаҳкам карда шаванд. Ҳангоми омодасозӣ бояд ба ростии поён ва девораҳои ҳавз диққати ҷиддӣ дода шавад.
- Пас аз анҷоми насб, гирди биореактор бо мақсади таъмини бехатарӣ бояд бо лентаи махсуси ҳушдордиҳандаи сурх иҳота карда шавад.

2. Ҳавз барои ҷамъшавии бионурӣ
Барои ҷамъшавии ҳаррӯзаи бионурӣ низ корбарон бояд ҳавзи алоҳида кофта, омода намоянд. Баъди омодасозӣ, ҳавз бо маводи махсуси полиэтилении мустаҳкам, ки мутобиқи шакл ва андозаи он таҳия шудааст, пӯшонида мешавад.

Андозаи ҳавзҳо барои ҷамъшавии бионурӣ:
Система 6 : L (дарозӣ) – 0,75 м; B (бар)- 1,18 м; С (чуқурӣ)- 0,8 м; D (диагонал)- 1,95 м
Система 8/12 : L (дарозӣ) – 1,5 м; B (бар)- 1,18 м; С (чуқурӣ)- 0,8 м; D (диагонал)- 2,34 м
Система 16 /20: L (дарозӣ) – 2,25 м; B (бар)- 2,2 м; С (чуқурӣ)- 0,8 м; D (диагонал)- 3,35 м
Система 30/40 : L (дарозӣ) – 4,5 м; B (бар)- 2,2 м; С (чуқурӣ)- 0,8 м; D (диагонал)- 5,05 м

Эзоҳ:
- Дар минтақаҳое, ки хавфи фурӯ рехтани девораҳо мавҷуд аст, бетонпӯш кардани девораҳо ҳатмист.
- Вобаста ба ҳаҷми истеҳсол ва давраи баровардани бионурии ҷамъшуда, андозаи ҳавз метавонад мутаносибан калонтар интихоб карда шавад.

3. Истифода ва интиқоли бионурӣ
- Агар бионурӣ дар қитъаҳои дур аз ҷойи насби биореактор истифода бурда шавад, харидории насоси махсус ва қубурҳо барои расонидани бионурӣ аз ҳавз то замин зарур мебошад.
- Барои интиқоли масофаи дуртар истифодаи автомашинаҳои махсуси систернадор ё ядакҳои бочкадор тавсия дода мешавад.
- Дар ҳолате, ки ҳавзи бионурӣ ба замини кишт наздик ва дар сатҳи баландтар ҷойгир аст, метавон бидуни насос бо роҳи аз як тараф ба ҳавз тариқи ҷӯяк ворид кардани об ва аз тарафи дигар ҷори кардани омехтаи об ва бионурӣ ба замин истифода бурдан мумкин аст.

4. Талаботи бехатарӣ
Бо мақсади таъмини бехатарӣ:
- болои ҳавзи бионурӣ бояд бо сарпӯши тунукагин пӯшонида шавад; ё
- ҳавз бо масофаи на камтар аз 0,4 м аз чор тараф бо истифода аз сутунпоя ва симтӯр иҳота карда шавад.

Риояи дақиқи талаботи мазкур шарти ҳатмии насби босифат, истифодаи самаранок ва таъмини амнияти таҷҳизотҳои истеҳсоли биогаз мебошад.